dil har zid manvā letā hai

ye bachcha shaitān bahut hai

dil har zid manwa leta hai

ye bachcha shaitan bahut hai

ḳhushbueñ phuuT ke roī hoñgī

gul havāoñ meñ jo bikhrā hogā

KHushbuen phuT ke roi hongi

gul hawaon mein jo bikhra hoga

rañg hī se fareb khāte raheñ

ḳhushbueñ āzmānā bhuul ga.e

rang hi se fareb khate rahen

KHushbuen aazmana bhul gae

dil bujhā bujhā ho to kyā burā hai rone meñ

bārishoñ ke ba.ad anjum āsmāñ nikhartā hai

dil bujha bujha ho to kya bura hai rone mein

barishon ke baad anjum aasman nikharta hai

dhuup niklī hai bārishoñ ke ba.ad

vo abhī ro ke muskurā.e haiñ

dhup nikli hai barishon ke baad

wo abhi ro ke muskurae hain

ḳhud-kushī karne meñ bhī nākām rah jaate haiñ ham

kaun amrit ghol detā hai hamāre zahr meñ

KHud-kushi karne mein bhi nakaam rah jate hain hum

kaun amrit ghol deta hai hamare zahr mein

sunte haiñ ik havā kā jhoñkā

ik ḳhushbū ko le bhāgā hai

sunte hain ek hawa ka jhonka

ek KHushbu ko le bhaga hai

tere jaate hī ye huā mahsūs

aa.ine muskurānā bhuul ga.e

tere jate hi ye hua mahsus

aaine muskurana bhul gae

aap ke bhī ho jā.eñge ham

pahle apne to ho leñ

aap ke bhi ho jaenge hum

pahle apne to ho len

bastī meñ ik phuul khilā

mahloñ mahloñ charchā hai

basti mein ek phul khila

mahlon mahlon charcha hai

dil kā kyā karūñ yaaro māntā nahīñ merī

apne dil kī suntā hai apne man kī kartā hai

dil ka kya karun yaro manta nahin meri

apne dil ki sunta hai apne man ki karta hai

niiñd kyuuñ TuuT ga.ī āḳhir-e-shab

kaun mere liye taḌpā hogā

nind kyun TuT gai aaKHir-e-shab

kaun mere liye taDpa hoga

sub.h kā ḳhvāb umr bhar dekhā

aur phir niiñd aa ga.ī 'anjum'

subh ka KHwab umr bhar dekha

aur phir nind aa gai 'anjum'

dostī bandagī vafā-o-ḳhulūs

ham ye sham.a jalānā bhuul ga.e

dosti bandagi wafa-o-KHulus

hum ye shama jalana bhul gae

rāh-e-vafā par chalne vaale

ye rasta vīrān bahut hai

rah-e-wafa par chalne wale

ye rasta viran bahut hai

us ne dariyā ko lagā kar Thokar

pyaas kī umr baḌhā.ī hogī

us ne dariya ko laga kar Thokar

pyas ki umr baDhai hogi