bahut sābit-qadam nikleñ ga.e vaqtoñ kī tahzībeñ

ki ab un ke havāloñ se khañDar ābād hote haiñ

bahut sabit-qadam niklen gae waqton ki tahziben

ki ab un ke hawalon se khanDar aabaad hote hain

biite hue lamhāt ko pahchān meñ rakhnā

murjhā.e hue phuul bhī gul-dān meñ rakhnā

bite hue lamhat ko pahchan mein rakhna

murjhae hue phul bhi gul-dan mein rakhna

kyā jāneñ safar ḳhair se guzre ki na guzre

tum ghar kā pata bhī mire sāmān meñ rakhnā

kya jaanen safar KHair se guzre ki na guzre

tum ghar ka pata bhi mere saman mein rakhna

maiñ ab to shahr meñ is baat se pahchānā jaatā huuñ

tumhārā zikr karnā aur karte hī chale jaanā

main ab to shahr mein is baat se pahchana jata hun

tumhaara zikr karna aur karte hi chale jaana

so merī pyaas kā donoñ taraf ilaaj nahīñ

udhar hai ek samundar idhar hai ek sarāb

so meri pyas ka donon taraf ilaj nahin

udhar hai ek samundar idhar hai ek sarab