dil dabā jaatā hai kitnā aaj ġham ke baar se

kaisī tanhā.ī Tapaktī hai dar o dīvār se

dil daba jata hai kitna aaj gham ke bar se

kaisi tanhai Tapakti hai dar o diwar se

laboñ par tabassum to āñkhoñ meñ aañsū thī dhuup ek pal meñ to ik pal meñ bārish

hameñ yaad hai bātoñ bātoñ meñ un kā hañsānā rulānā rulānā hañsānā

labon par tabassum to aankhon mein aansu thi dhup ek pal mein to ek pal mein barish

hamein yaad hai baaton baaton mein un ka hansana rulana rulana hansana

aañkh meñ aañsū kā aur dil meñ lahū kā kaal hai

hai tamannā kā vahī jo zindagī kā haal hai

aankh mein aansu ka aur dil mein lahu ka kal hai

hai tamanna ka wahi jo zindagi ka haal hai

mushkil hī se kar letī hai duniyā use qubūl

aisī haqīqat jis meñ fasāna kam kam hotā hai

mushkil hi se kar leti hai duniya use qubul

aisi haqiqat jis mein fasana kam kam hota hai

rut badlī to zamīñ ke chehre kā ġhāza bhī badlā

rañg magar ḳhud āsmān ne badle kaise kaise

rut badli to zamin ke chehre ka ghaza bhi badla

rang magar KHud aasman ne badle kaise kaise

charāġh-e-rāhguzar laakh tābnāk sahī

jalā ke apnā diyā raushnī makān meñ lā

charagh-e-rahguzar lakh tabnak sahi

jala ke apna diya raushni makan mein la

mirī shikast bhī thī merī zaat se mansūb

ki merī fikr kā har faisla shu.ūrī thā

meri shikast bhi thi meri zat se mansub

ki meri fikr ka har faisla shuuri tha

bure bhale meñ farq hai ye jānte haiñ sab magar

hai kaun nek kaun bad nazar nazar kī baat hai

bure bhale mein farq hai ye jaante hain sab magar

hai kaun nek kaun bad nazar nazar ki baat hai

pahuñch ke jo sar-e-manzil bichhaḌ gayā mujh se

vo ham-safar thā magar ham-nazar na thā merā

pahunch ke jo sar-e-manzil bichhaD gaya mujh se

wo ham-safar tha magar ham-nazar na tha mera

mub.ham the sab nuqūsh naqāboñ kī dhund meñ

chehra ik aur bhī pas-e-chehra zarūr thā

mubham the sab nuqush naqabon ki dhund mein

chehra ek aur bhi pas-e-chehra zarur tha

har dukāñ apnī jagah hairat-e-nazzāra hai

fikr-e-insāñ ke sajā.e hue bāzār to dekh

har dukan apni jagah hairat-e-nazzara hai

fikr-e-insan ke sajae hue bazar to dekh

musāfirat kā valvala siyāhatoñ kā mashġhala

jo tum meñ kuchh ziyāda hai safar karo safar karo

musafirat ka walwala siyahaton ka mashghala

jo tum mein kuchh ziyaada hai safar karo safar karo

ḳhud-parastī ḳhudā na ban jaa.e

ehtiyātan gunāh kartā huuñ

KHud-parasti KHuda na ban jae

ehtiyatan gunah karta hun

be-sāl-o-sin zamānoñ meñ phaile hue haiñ ham

be-rañg-o-nasl naam meñ tū bhī hai maiñ bhī huuñ

be-sal-o-sin zamanon mein phaile hue hain hum

be-rang-o-nasl nam mein tu bhi hai main bhi hun

āñkhoñ ko dekhne kā salīqa jab aa gayā

kitne naqāb chehra-e-asrār se uThe

aankhon ko dekhne ka saliqa jab aa gaya

kitne naqab chehra-e-asrar se uThe

vo paas ho ke duur hai to duur ho ke paas

firāq aur visāl haiñ ajiib ajiib se

wo pas ho ke dur hai to dur ho ke pas

firaq aur visal hain ajib ajib se

yahī soch kar iktifā chaar par kar ga.e shaiḳh-jī

mileñgī vahāñ un ko huur aur pariyāñ vaġhaira vaġhaira

yahi soch kar iktifa chaar par kar gae shaiKH-ji

milengi wahan un ko hur aur pariyan waghaira waghaira

himmat vaale pal meñ badal dete haiñ duniyā ko

sochne vaalā dil to baiThā sochā kartā hai

himmat wale pal mein badal dete hain duniya ko

sochne wala dil to baiTha socha karta hai

chhoḌ ke māl-o-daulat saarī duniyā meñ apnī

ḳhālī haath guzar jaate haiñ kaise kaise log

chhoD ke mal-o-daulat sari duniya mein apni

KHali hath guzar jate hain kaise kaise log

raste hī meñ ho jaatī haiñ bāteñ bas do-chār

ab to un ke ghar bhī jaanā kam kam hotā hai

raste hi mein ho jati hain baaten bas do-chaar

ab to un ke ghar bhi jaana kam kam hota hai

na jaane kitnī bastiyāñ ujaḌ ke rah ga.iiñ

mile haiñ rāste meñ kuchh makāñ jale jale

na jaane kitni bastiyan ujaD ke rah gain

mile hain raste mein kuchh makan jale jale