قومی جھنڈا
جنتا کا ارمان ہے جھنڈا
آزادی کی جان ہے جھنڈا
بھارت کی پہچان ہے جھنڈا
اس کی عظمت کے گن گاؤ
اور بھی اس کی شان بڑھاؤ
اس سے جتنے رنگ عیاں ہیں
سب اپنی منزل کے نشاں ہیں
اس میں کتنے راز نہاں ہیں
اس کی عظمت کے گن گاؤ
اور بھی اس کی شان بڑھاؤ
جھنڈا ہی توقیر وطن ہے
جھنڈا ہی تصویر وطن ہے
جھنڈا ہی تقدیر وطن ہے
اس کی عظمت کے گن گاؤ
اور بھی اس کی شان بڑھاؤ
اس کی لہریں آنکھ کا تل ہیں
یہ ساگر ہے ہم ساحل ہیں
اس پر قرباں جان و دل ہیں
اس کی عظمت کے گن گاؤ
اور بھی اس کی شان بڑھاؤ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
