imtihan humne diye hain naujawani mein bahut

imtihāñ ham ne diye haiñ naujavānī meñ bahut

aur number le chuke haiñ lan-tarānī meñ bahut

dushmanoñ kī dushmanī mere liye āsān thī

ḳharch aaya dostoñ kī mezbānī meñ bahut

un ke ruḳh kī jāzbiyyat kā sabab poshīda hai

aañkh meñ kam aur chashme kī kamānī meñ bahut

mehrbānī kar mujhe apnī kahānī meñ na rakh

be-tuke kirdār haiñ terī kahānī meñ bahut

dār-e-fānī itnī āsānī se kaise chhoḌ duuñ

dosto dilchaspiyāñ haiñ dār-e-fānī meñ bahut

ham ki haiñ be-ghar koī warrant lā.egā kahāñ

jurm kī āsāniyāñ haiñ lā-makānī meñ bahut

imtihan hum ne diye hain naujawani mein bahut

aur number le chuke hain lan-tarani mein bahut

dushmanon ki dushmani mere liye aasan thi

KHarch aaya doston ki mezbani mein bahut

un ke ruKH ki jazbiyyat ka sabab poshida hai

aankh mein kam aur chashme ki kamani mein bahut

mehrbani kar mujhe apni kahani mein na rakh

be-tuke kirdar hain teri kahani mein bahut

dar-e-fani itni aasani se kaise chhoD dun

dosto dilchaspiyan hain dar-e-fani mein bahut

hum ki hain be-ghar koi warrant laega kahan

jurm ki aasaniyan hain la-makani mein bahut