ye jo diwane se do chaar nazar aate hain
ye jo dīvāne se do-chār nazar aate haiñ
in meñ kuchh sāhab-e-asrār nazar aate haiñ
terī mahfil kā bharam rakhte haiñ so jaate haiñ
varna ye log to bedār nazar aate haiñ
duur tak koī sitāra hai na koī jugnū
marg-e-ummīd ke āsār nazar aate haiñ
mire dāman meñ sharāroñ ke sivā kuchh bhī nahīñ
aap phūloñ ke ḳharīdār nazar aate haiñ
kal jinheñ chhū nahīñ saktī thī farishtoñ kī nazar
aaj vo raunaq-e-bāzār nazar aate haiñ
hashr meñ kaun gavāhī mirī degā 'sāġhar'
sab tumhāre hī taraf-dār nazar aate haiñ
ye jo diwane se do-chaar nazar aate hain
in mein kuchh sahab-e-asrar nazar aate hain
teri mahfil ka bharam rakhte hain so jate hain
warna ye log to bedar nazar aate hain
dur tak koi sitara hai na koi jugnu
marg-e-ummid ke aasar nazar aate hain
mere daman mein shararon ke siwa kuchh bhi nahin
aap phulon ke KHaridar nazar aate hain
kal jinhen chhu nahin sakti thi farishton ki nazar
aaj wo raunaq-e-bazar nazar aate hain
hashr mein kaun gawahi meri dega 'saghar'
sab tumhaare hi taraf-dar nazar aate hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
