ye jo chehron pe liye gard-e-alam aate hain
ye jo chehroñ pe liye gard-e-alam aate haiñ
ye tumhāre hī pashemān-e-karam aate haiñ
itnā khul kar bhī na ro jism kī bastī ko bachā
bārisheñ kam huuñ to sailāb bhī kam aate haiñ
tū sunā terī masāfat kī kahānī kyā hai
mere raste meñ to har gaam pe ḳham aate haiñ
ḳhol chehroñ pe chaḌhāne nahīñ aate ham ko
gaañv ke log haiñ ham shahr meñ kam aate haiñ
vo to 'bedil' koī sūkhā huā pattā hogā
tere āñgan meñ kahāñ un ke qadam aate haiñ
ye jo chehron pe liye gard-e-alam aate hain
ye tumhaare hi pasheman-e-karam aate hain
itna khul kar bhi na ro jism ki basti ko bacha
barishen kam hun to sailab bhi kam aate hain
tu suna teri masafat ki kahani kya hai
mere raste mein to har gam pe KHam aate hain
KHol chehron pe chaDhane nahin aate hum ko
ganw ke log hain hum shahr mein kam aate hain
wo to 'bedil' koi sukha hua patta hoga
tere aangan mein kahan un ke qadam aate hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
