ye diwane kabhi pabandiyon ka gham nahin lenge
ye dīvāne kabhī pābandiyoñ kā ġham nahīñ leñge
garebāñ chaak jab tak kar na leñge dam nahīñ leñge
lahū deñge to leñge pyaar motī ham nahīñ leñge
hameñ phūloñ ke badle phuul do shabnam nahīñ leñge
ye ġham kis ne diyā hai pūchh mat ai ham-nashīñ ham se
zamāna le rahā hai naam us kā ham nahīñ leñge
mohabbat karne vaale bhī ajab ḳhuddār hote haiñ
jigar par zaḳhm leñge zaḳhm par marham nahīñ leñge
ġham-e-dil hī ke māroñ ko ġham-e-ayyām bhī de do
ġham itnā lene vaale kyā ab itnā ġham nahīñ leñge
sañvāre jā rahe haiñ ham ulajhtī jaatī haiñ zulfeñ
tum apne zimma lo ab ye bakheḌā ham nahīñ leñge
shikāyat un se karnā go musībat mol lenā hai
magar 'ājiz' ġhazal ham be-sunā.e dam nahīñ leñge
ye diwane kabhi pabandiyon ka gham nahin lenge
gareban chaak jab tak kar na lenge dam nahin lenge
lahu denge to lenge pyar moti hum nahin lenge
hamein phulon ke badle phul do shabnam nahin lenge
ye gham kis ne diya hai puchh mat ai ham-nashin hum se
zamana le raha hai nam us ka hum nahin lenge
mohabbat karne wale bhi ajab KHuddar hote hain
jigar par zaKHm lenge zaKHm par marham nahin lenge
gham-e-dil hi ke maron ko gham-e-ayyam bhi de do
gham itna lene wale kya ab itna gham nahin lenge
sanware ja rahe hain hum ulajhti jati hain zulfen
tum apne zimma lo ab ye bakheDa hum nahin lenge
shikayat un se karna go musibat mol lena hai
magar 'ajiz' ghazal hum be-sunae dam nahin lenge
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
