agarche roz-e-azal bhi yahi andhera tha
agarche roz-e-azal bhī yahī añdherā thā
tirī jabīñ se nikaltā huā saverā thā
pahuñch sakā na maiñ bar-vaqt apnī manzil par
ki rāste meñ mujhe rahbaroñ ne gherā thā
tirī nigāh ne thoḌī sī raushnī kar dī
vagarna arsa-e-kaunain meñ añdherā thā
ye kā.enāt aur itnī sharāb-ālūda
kisī ne apnā ḳhumār-e-nazar bikherā thā
sitāre karte haiñ ab us galī ke gird tavāf
jahāñ 'adam' mire mahbūb kā baserā thā
agarche roz-e-azal bhi yahi andhera tha
teri jabin se nikalta hua sawera tha
pahunch saka na main bar-waqt apni manzil par
ki raste mein mujhe rahbaron ne ghera tha
teri nigah ne thoDi si raushni kar di
wagarna arsa-e-kaunain mein andhera tha
ye kaenat aur itni sharab-aluda
kisi ne apna KHumar-e-nazar bikhera tha
sitare karte hain ab us gali ke gird tawaf
jahan 'adam' mere mahbub ka basera tha
- Book : Kulliyat-e-Adm (Pg. 89)
- Author : Khwaja Mohammad Zakariya
- Publication : Alhamd Publications, Lahore (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
