jidhar bhi dekhiye ek rasta bana hua hai

jidhar bhī dekhiye ik rāsta banā huā hai

safar hamāre liye mas.ala banā huā hai

maiñ sar-ba-sajda sakūñ meñ nahīñ safar meñ huuñ

jabīñ pe daaġh nahīñ aabla banā huā hai

maiñ kyā karūñ mirā gosha-nashīn honā bhī

paḌosiyoñ ke liye vāqi.a banā huā hai

magar maiñ ishq meñ parhez se bañdhā huā huuñ

tirā vajūd to ḳhush-zā.eqa banā huā hai

burīda shāḳheñ haiñ yā sham.a-hā-e-gul-shuda haiñ

ḳhamīda peḌ hai yā maqbara banā huā hai

mire gunah dar-o-dīvār se jhalak rahe haiñ

makān mere liye ā.īna banā huā hai

shu.ūrī koshisheñ manzar bigāḌ detī haiñ

vahī bhalā hai jo be-sāḳhta banā huā hai

kisī duā ke liye haath uThe hue 'shāhid'

kisī diye ke liye tāqcha banā huā hai

jidhar bhi dekhiye ek rasta bana hua hai

safar hamare liye masala bana hua hai

main sar-ba-sajda sakun mein nahin safar mein hun

jabin pe dagh nahin aabla bana hua hai

main kya karun mera gosha-nashin hona bhi

paDosiyon ke liye waqia bana hua hai

magar main ishq mein parhez se bandha hua hun

tera wajud to KHush-zaeqa bana hua hai

burida shaKHen hain ya shama-ha-e-gul-shuda hain

KHamida peD hai ya maqbara bana hua hai

mere gunah dar-o-diwar se jhalak rahe hain

makan mere liye aaina bana hua hai

shuuri koshishen manzar bigaD deti hain

wahi bhala hai jo be-saKHta bana hua hai

kisi dua ke liye hath uThe hue 'shahid'

kisi diye ke liye taqcha bana hua hai