kabhi kasak judai ki kabhi mahak visal ki
kabhī kasak judā.ī kī kabhī mahak visāl kī
qadam na the zamīñ pe jab vo umr thī kamāl kī
ka.ī dinoñ se fikr kā ufuq udaas udaas hai
na jaane kho ga.ī kahāñ dhanak tire ḳhayāl kī
rafāqatoñ ke vo nishāñ na jaane kho ga.e kahāñ
vo ḳhushbuoñ kī rahguzar vo ratjagoñ kī pālkī
kisī ko kho ke pā liyā kisī ko pā ke kho diyā
na intihā ḳhushī kī hai na intihā malāl kī
vo raushnī kā ḳhvāb thā magar vahī sarāb thā
uruuj meñ chhupī huī thī ibtidā zavāl kī
kabhi kasak judai ki kabhi mahak visal ki
qadam na the zamin pe jab wo umr thi kamal ki
kai dinon se fikr ka ufuq udas udas hai
na jaane kho gai kahan dhanak tere KHayal ki
rafaqaton ke wo nishan na jaane kho gae kahan
wo KHushbuon ki rahguzar wo ratjagon ki palki
kisi ko kho ke pa liya kisi ko pa ke kho diya
na intiha KHushi ki hai na intiha malal ki
wo raushni ka KHwab tha magar wahi sarab tha
uruj mein chhupi hui thi ibtida zawal ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
