is aankh mein KHwab-e-naz ho ja

is aañkh meñ ḳhvāb-e-nāz ho jā

ai hijr kī shab darāz ho jā

asrār tamām khul rahe haiñ

tū apne liye bhī raaz ho jā

ai naġhma-navāz āḳhir-e-shab

āhañg-e-shikast-e-sāz ho jā

dīvār kī tarah band kyuuñ hai

dastak koī de to baaz ho jā

ab din to ġhurūb ho rahā hai

saa.e kī tarah darāz ho jā

yaañ fat.h sabab hai sar-kashī kā

tū haar ke sarfarāz ho jā

tū shīsha bane ki sañg kuchh ban

andar se magar gudāz ho jā

us aañkh se siikh rāz-e-ismat

khul khel ke pāk-bāz ho jā

is aankh mein KHwab-e-naz ho ja

ai hijr ki shab daraaz ho ja

asrar tamam khul rahe hain

tu apne liye bhi raaz ho ja

ai naghma-nawaz aaKHir-e-shab

aahang-e-shikast-e-saz ho ja

diwar ki tarah band kyun hai

dastak koi de to baz ho ja

ab din to ghurub ho raha hai

sae ki tarah daraaz ho ja

yan fath sabab hai sar-kashi ka

tu haar ke sarfaraaz ho ja

tu shisha bane ki sang kuchh ban

andar se magar gudaz ho ja

us aankh se sikh raaz-e-ismat

khul khel ke pak-baz ho ja