haya se sar jhuka lena ada se muskura dena
hayā se sar jhukā lenā adā se muskurā denā
hasīnoñ ko bhī kitnā sahl hai bijlī girā denā
ye tarz ehsān karne kā tumhīñ ko zeb detā hai
maraz meñ mubtalā kar ke marīzoñ ko davā denā
balā.eñ lete haiñ un kī ham un par jaan dete haiñ
ye saudā diid ke qābil hai kyā lenā hai kyā denā
ḳhudā kī yaad meñ mahviyat-e-dil bādshāhī hai
magar āsāñ nahīñ hai saarī duniyā ko bhulā denā
haya se sar jhuka lena ada se muskura dena
hasinon ko bhi kitna sahl hai bijli gira dena
ye tarz ehsan karne ka tumhin ko zeb deta hai
maraz mein mubtala kar ke marizon ko dawa dena
balaen lete hain un ki hum un par jaan dete hain
ye sauda did ke qabil hai kya lena hai kya dena
KHuda ki yaad mein mahwiyat-e-dil baadshahi hai
magar aasan nahin hai sari duniya ko bhula dena
- Book : Kulliyat-e-akbar (Pg. 280)
- Author : Sayed Akbar husain Akbar Allahabadi
- Publication : Farid Book Depot Pvt. Ltd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
