bhule-bisre hue gham yaad bahut karta hai
bhūle-bisre hue ġham yaad bahut kartā hai
mere andar koī fariyād bahut kartā hai
roz aatā hai jagātā hai Darātā hai mujhe
tañg mujh ko mirā ham-zād bahut kartā hai
mujh se kahtā hai ki kuchh apnī ḳhabar le baabā
dekh tū vaqt ko barbād bahut kartā hai
niklī jaatī hai mire paañv ke nīche se zamīñ
āsmāñ bhī sitam ījād bahut kartā hai
kuchh to ham sabr o razā bhuul ga.e haiñ shāyad
aur kuchh zulm bhī sayyād bahut kartā hai
us ke jaisā to koī chāhne vaalā hī nahīñ
kar ke pāband jo āzād bahut kartā hai
bastiyoñ meñ vo kabhī ḳhaak uḌā detā hai
kabhī sahrāoñ ko ābād bahut kartā hai
ġham ke rishtoñ ko kabhī toḌ na denā 'vālī'
ġham ḳhayāl-e-dil-e-nā-shād bahut kartā hai
bhule-bisre hue gham yaad bahut karta hai
mere andar koi fariyaad bahut karta hai
roz aata hai jagata hai Daraata hai mujhe
tang mujh ko mera ham-zad bahut karta hai
mujh se kahta hai ki kuchh apni KHabar le baba
dekh tu waqt ko barbaad bahut karta hai
nikli jati hai mere panw ke niche se zamin
aasman bhi sitam ijad bahut karta hai
kuchh to hum sabr o raza bhul gae hain shayad
aur kuchh zulm bhi sayyaad bahut karta hai
us ke jaisa to koi chahne wala hi nahin
kar ke paband jo aazad bahut karta hai
bastiyon mein wo kabhi KHak uDa deta hai
kabhi sahraon ko aabaad bahut karta hai
gham ke rishton ko kabhi toD na dena 'wali'
gham KHayal-e-dil-e-na-shad bahut karta hai
- Book : Mom (Pg. 45)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
